TODAY'S WEATHER 

હવામાન સારાંશ

• ભારત મૌસમ વિભાગની આગાહી મુજબ આગામી પાંચ દિવસ દરમ્યાન, આણંદ જીલ્લામાં આકાશ અંશત: વાદળછાયુંથી મુખ્યત્વે વાદળછાયું રહેવાની સંભાવના છે અને છૂટીછવાયી જગ્યાએ ખૂબ હળવાથી હળવા વરસાદ પડવાની સંભાવના છે. મહતમ તાપમાન ૩૩ થી ૩૪ ડીગ્રી સે., લઘુતમ તાપમાન ૨૫ થી ૨૬ ડીગ્રી સે. તથા હવામાં ભેજનું પ્રમાણ ૪૨ થી ૮૧ ટકા રહેવાની શક્યતા છે, પવનની સરેરાશ ઝડપ ૧૧ થી ૧૫ કિમી/કલાક તેમજ પવનની દિશા મોટેભાગે દક્ષિણ-પશ્ચિમ તરફ રહેવાની શક્યતા છે.

સામાન્ય  સલાહ

• ઉભા પાકોમાં રોગ-જીવાતોના ઉપદ્રવનું નિરિક્ષણ કરી ઉપદ્રવ જણાય તો ભલામણ મુજબની જંતુનાશક દવા/ફૂગનાશક દવાનો છંટકાવ આકાશ ચોખ્ખું હોય તથા પવનની ગતિ ઓછી રહે ત્યારે કરવો.
• ઉભા પાકોમાં વરાપ થયે જરૂરિયાત અનુસાર આંતરખેડ તથા નિંદામણ કરવું તથા ખાતરનો પૂર્તિ હપ્તો આપવો.
• આગોતરો વાવતેર કરેલ પાક દેહધાર્મિક પરિક્વ અવસ્થાએ પહોચેલ હોય તો ખુલ્લા હવામાનમાં કાપણી/લણણી માટે આયોજન કરવું.
• હવામાન આધારિત કૃષિ સલાહ અંગેની સ્થાનિક ભાષામાં માહિતી મેળવવા માટે મોબાઈલમાં મેઘદૂત એપ્લીકેશન ડાઉનલોડ કરવા માટે નીચેની લીંક પર ક્લિક કરો:

એન્ડ્રોઈડ યુઝર્સ માટે: https://play,google.com/store/apps/details?id=com.aas.meghdoot

આઈ.ઓ.એસ યુઝર્સ:  https://apps.apple.com/in/app/meghdoot/id1474048155

પાક

પાક અવસ્થા

રોગ/જીવાત/જાત

કૃષિ સલાહ

કેળ

વાનસ્પતિક

• કેળ રોપ્યા ૫છી ૭૫ દિવસે ૬૦૦ લીટર પાણીમાં ગ્રામોક્ષોન ૩.૬ લીટર હેકટરે પ્રથમ છંટકાવ કરવો અને બીજો છંટકાવ પાળા ચઢાવ્યા પછી ૩૦ દિવસે કરવો.
• રોપણી કરેલ કેળના પાકમાં ૧૫-ર૦ સે.મી. ઉંચાઈ સુધી થડમાં માટી ચઢાવવી તથા મુખ્ય થડની બાજુમાંથી નીકળતા પીલા સતત દુર કરવા.

• હાલના ભેજવાળા અને વાદળછાયા હવામાનને કારણે સીગાટોકા પાનનાં ત્રાકિયાં ટપકાં રોગ જણાય તો કાર્બેન્ડાઝીમ ૫૦ વેપા ૧૦ ગ્રામ અથવા મેન્કોઝેબ ૭૫ વેપા ૨૭ ગ્રામ અથવા પ્રોપીકોનાઝોલ ૨૫ ઈસી ૫ મિ.લી. જેવી ફુગનાશક દવા ૧૦ લિટર પાણીમાં ભેળવી વરસાદ વગરના સમયગાળા દરમ્યાન અથવા ખુલ્લા હવામાનમાં પવનની ગતિ ઓછી રહે ત્યારે છંટકાવ કરવો.

ડાંગર

(ચોમાસું)

દાણા બેસવા

પિયત વ્યવસ્થાપન

• ક્યારામાં ૫-૭ સે.મી. ઊંડાઈ સુધી પાણી ભરેલું રાખવું.

પાનનો ઝાળ રોગ

(બેક્ટેરિયલ લીફ બ્લાઈટ)

• ડાંગરમાં પાનનો ઝાળ રોગ જોવા મળે ત્યારે ૧૦ લિટર પાણીમાં ૧ ગ્રામ  સ્ટ્રેપ્ટોસાયક્લીન + ૧૦ ગ્રામ કોપર ઓક્સીક્લોરાઈડ જેવી ફુગનાશક દવાનું દ્રાવણ બનાવી પ્રતિ હેકટરે ૪૦૦ થી ૫૦૦ લિટર મુજબ આખા છોડ ભીંજાઈ જાય તે રીતે વરસાદ વગરના કોરા સમયગાળા દરમ્યાન છંટકાવ કરવો.

કરમોડી/ખડખડીયો

• કરમોડી રોગના નિયંત્રણ માટે ટ્રાયસાયક્લાઝોલ ૭૫ વેપા ૬ ગ્રામ અથવા આઈપ્રોબેનફોસ ૪૮ ઇસી ૧૦ મી.લિ. ૧૦ લિટર પાણીમાં ઉમેરી ૧૫-૨૦ દિવસના અંતરે જરૂરિયાત મુજબ હવામાન ખુલ્લું રહે ત્યારે છંટકાવ કરવા.

પર્ણચ્છેદનો સુકારો

• પર્ણચ્છેદનો સુકારો રોગના નિયંત્રણ માટે કાર્બેન્ડાઝીમ ૫૦ વેપા ૧૦ ગ્રામ અથવા વેલીડામાયસીન ૩ એસએલ ૧૦ મી.લિ. ૧૦ લીટર પાણીમાં ભેળવી આકાશ ચોખ્ખુ હોય ત્યારે છંટકાવ કરવો.

બીડી તમાકુ

વાનસ્પતિક

• વાવણી કરેલ પાકમાં જમીનમાં વરાપ થયે આંતરખેડ તથા નિંદામણ કરવું.
• વાકુંબાનો ઉપદ્રવ હોય તો તેનો સમયસર ઉપાડી નાશ કરવો.

• ફેરરો૫ણીના ૪૦ દિવસ ૫છી જમીનના પૂરતા ભેજે નાઈટ્રોઝન ખાતરનો ૫૦ કિગ્રા/હે. પ્રમાણે હપ્તો આપવો.

ચોમાસું

મગ/અડદ

શીંગો બેસવી/

દાણા ભરાવવા

પચરંગીયો/કોકડવા

• પચરંગીયો રોગ સફેદમાંખી દ્વારા ફેલાતો હોવાથી તેના નિયંત્રણ માટે ડાયમિથોએટ ૩૦ ઇસી ૧૦ મી.લિ. અથવા એસીટામિપ્રીડ ૧૭.૮ ૨૦ એસપી ૨ ગ્રામ ૧૦ લિટર પાણીમાં ભેળવી હવામાન ખુલ્લું રહે ત્યારે છંટકાવ કરવો.

મોલો

• મોલોનો ઉપદ્રવ જણાય તો ઈમીડાક્લોપ્રીડ ૧૭.૮ એસએલ ૩ મિ.લી. અથવા  થાયામેથોક્ઝામ ૨૫ ડબલ્યુજી ૩ ગ્રામ ૧૦ લિટર પાણીમાં ભેળવી હવામાન ખુલ્લું રહે ત્યારે છંટકાવ કરવો.

• પરિપક્વ શીંગોની સમયસર વીણી કરવી.

તુવેર

વાનસ્પતિક

• જમીનમાં વરાપ થયે આંતરખેડ તથા નિંદામણ કરવું.

મરચી

ફૂલ/ફળ

કોકડવા/થ્રીપ્સ

• સતત વાદળછાયા અને ભેજવાળા હવામાનને કારણે મરચીના પાકમાં થ્રીપ્સ જીવાતનો ઉપદ્રવ જણાય તો નિયંત્રણ માટે લીંબોળીનું તેલ ૩૦ થી ૫૦ મી.લિ.૧૦ લિટર પાણીમાં ઉમેરી છંટકાવ કરવો. આ જીવાતનો વધુ ઉપદ્રવ જણાય તો સ્પીનોસાડ ૩ મિ.લિ. ૧૦ લિટર પાણીમાં ભેળવીને હવામાન ખુલ્લું રહે ત્યારે છંટકાવ કરવો.

• મરચીના પાકમાં ફૂલ આવવાના સમયે નાઈટ્રોજન ૨૫ કિ.ગ્રા અને પોટાશ ૫૦ કિ.ગ્રા. પ્રતિ હેકટર તથા પ્રત્યેક વીણી પછી નાઈટ્રોજન ૨૫ કિ.ગ્રા. પ્રતિ હેક્ટર આપવો.

ટામેટી

ફૂલ/ફળ

પાન કોરીયું અને પર્ણ-વ-ફળ વેધક

• પર્ણ-વ-ફળ વેધકની શરૂઆત થતા જ નર ફૂદા ને સમૂહ માં પકડવા માટે પીળા ચીકણા ટ્રેપ  ૪૦ પ્રતિ હેકટરે ગોઠવવા. વધુ ઉપદ્રવ જણાય તો ક્લોરાન્ટ્રાનીલીપ્રોલ ૧૮.૫ એસસી ૩ મિ.લિ. અથવા ફલ્યૂબેન્ડિયામાઈડ ૪૮૦ એસસી ૩ મિ.લિ. ૧૦ લિટર પાણીમાં ઉમેરી  હવામાન ખુલ્લું રહે ત્યારે છંટકાવ કરવો.

લીલી ઈયળ

• લીલી ઈયળના નર ફૂદાને આકર્ષતા ફેરોમોન ટ્રેપ હેકટરે ૪૦ પ્રમાણે ગોઠવવા અને લ્યુર દર ૨૧ દિવસે બદલવી.

આગોતરો સૂકારો

• આગોતરા સૂકારો રોગના નિયંત્રણ માટે મેન્કોઝેબ દવા ૭૫ વે.પા. ૨૭ ગ્રામ અથવા ક્લોરોથેલોનીલ ૭૫ વે.પા. ૨૭ ગ્રામ અથવા લીમડાના તાજા પાનનો અર્ક ૫૦ ગ્રામ ૧૦ લિટર પાણીમાં ભેળવીને હવામાન ખુલ્લું રહે ત્યારે છંટકાવ કરવો.

ખાતર વ્યવસ્થાપન

અને વૃદ્ધિ નિયંત્રકો

• ટામેટીના પાકમાં છોડની ફૂલ આવવાની અને ફળો બેસવાની અવસ્થા સુધી પાણીમાં દ્રાવ્ય ખાતરો જેવા કે  12: 61: 0,  0:52:34 વગેરે આપવા.
• છોડની ફૂલ આવવાની શરૂઆત થાય ત્યારે ફૂલો વધારવા માટે અને ફળો બેસવાની અવસ્થાએ ફળ ની સાઇઝ વધારવા માટે અનુક્રમે નેપ્થેલીક એસિટીક એસીડ (NAA) અને જીબ્રેલીક એસીડ (GA) ૨૦ અને ૨૫ મિલિગ્રામ/લિટર પ્રમાણે છંટકાવ કરવો.

રીંગણ

ફૂલ/ફળ

સફેદમાખી અને તડતડિયાં

• સફેદમાખી અને તડતડિયાંના નિયંત્રણ માટે ડાયફેન્થ્યુરોન ૫૦ ડબલ્યુપી ૧૦ ગ્રામ  અથવા થાયામેથોક્ઝામ ૨૫ ડબલ્યુજી ૪ ગ્રામ ૧૦ લિટર પાણીમાં ભેળવીને હવામાન ખુલ્લું રહે ત્યારે છંટકાવ કરવો.

ડુંખ અને ફળ કોરી ખાનાર ઈયળ

• ડુંખ અને ફળ કોરી ખાનાર ઈયળ ની નિયમિત મોજણી અને નિગાહ માટે ખેતરમાં  ૪-૬ ફેરોમોન ટ્રેપ પ્રતિ એકર ગોઠવવી. આ ઈયળનો ઉપદ્રવ જણાય તો નુકશાનગ્રસ્ત ડુંખ અને ફળને છોડમાંથી તોડીને જમીનમાં દાટી દેવા. વધુ ઉપદ્રવ જણાય તો કલોરપાયરીફોસ ૨૦ ઇસી ૨૦ મિ.લિ. અથવા એમામેક્ટીન બેન્ઝોએટ ૫ એસજી ૩ ગ્રામ અથવા થાયોડીકાર્બ ૫૦ વેપા ૧૦ ગ્રામ ૧૦ લિટર પાણીમાં ઉમેરીને હવામાન ખુલ્લું રહે ત્યારે છંટકાવ કરવો.

ભીંડા

ફૂલ/ફળ

પીળી નસનો રોગ

• ભીંડાના પાકમાં પીળી નસના રોગનો ફેલાવો રોકવા ટોલફેનપાયરાડ ૧૫ ઈસી ૨૦ મિ.લી. અથવા ફેનપ્રોપેથીન ૩૦ ઇસી  ૩.૪ મિ.લી.  ૧૦ લિટર પાણીમાં ભેળવી હવામાન ખુલ્લું રહે ત્યારે છંટકાવ કરવો.

 કાબરી ઈયળ

• પાકમાં આ જીવાતનો ઉપદ્રવ જણાય તો એમામેક્ટીન બેન્ઝોએટ ૫ એસજી ૩ ગ્રામ અથવા લેમડાસાયહેલોથ્રીન ૫ ઇસી ૫ મિ.લિ. ૧૦ લિટર પાણીમાં ભેળવી હવામાન ખુલ્લું રહે ત્યારે છંટકાવ કરવો.

વેલાવાળા શાકભાજી

ફૂલ/ફળ

થ્રીપ્સ/સફેદ માખી

• વેલાવાળા શાકભાજી પાકમાં સફેદમાખીના નિયંત્રણ માટે લીંબોળીનું તેલ ૫૦ મિ.લિ. અથવા લીંબોળીના મીંજ (૫ ટકા અર્ક)નું ૫૦૦ મિ.લિ. દ્રાવણ અથવા એસીટેમાપ્રીડ ૨૦ ટકા ૫ ગ્રામ અથવા ઈમીડાક્લોપ્રીડ ૧૭.૮ એસએલ ૪ મિ.લિ. ૧૦ લિટર પાણીમાં મિશ્ર કરીને છંટકાવ કરવો.

પાનના ટપકા

• વેલાવાળા શાકભાજી પાકમાં પાનના ટપકા રોગના નિયંત્રણ માટે કાર્બેન્ડાઝીમ ૫૦ વે.પા. ૫ ગ્રામ અથવા કોપર ઓક્ઝીક્લોરાઈડ ૫ વે.પા. ૨૦ ગ્રામ અથવા મેન્કોઝેબ ૭૫ વે.પા. ૨૭ ગ્રામ ૧૦ લિટર પાણીમાં ઉમેરી ૧૫ દિવસના અંતરે બે છંટકાવ કરવા.

તળછારો

• વેલાવાળા શાકભાજી પાકમાં તળછારો રોગના નિયંત્રણ માટે મેન્કોઝેબ ૭૫% વે.પા. અથવા ક્લોરોથેલોનીલ ૭૫% વે.પા. ૨૫ ગ્રામ પ્રતિ ૧૦ લિટર પાણીમાં ભેળવી છંટકાવ કરવો.

ચોમાસું બાજરી

દાણા બેસવા

પાનનાં ટપકાંનો રોગ

• બાજરીના પાકમાં પાનનાં ટપકા રોગ જણાય ત્યારે કાર્બેન્ડેઝિમ ફુગનાશ દવા ૫૦ વેપા ૧૦ ગ્રામ ૧૦ લિટર પાણીમાં ઉમેરી બે છંટકાવ ૧૫-૨૦ દિવસના અંતરે હવામાન ખુલ્લું રહે ત્યારે કરવા.

કુતુલ/તળછારો

• તળછારો રોગ જણાય તો તેના નિયંત્રણ માટે મેટાલેક્ષીલ એમઝેડ દવા ૭૫ વેપા ૧૫ ગ્રામ ૧૦ લિટર પાણીમાં ભેળવી હવામાન ખુલ્લું રહે ત્યારે છંટકાવ કરવો.

ઘાસચારા જુવાર

વાનસ્પતિક/

ફૂલ

કાપણી

• એક કાપણીની જાતોમાં ૬૦ થી ૬૫ દિવસે (૫૦% ફૂલ અવસ્થાએ) કાપણી કરવી.
• બહુકાપણી જાતોમાં પ્રથમ કાપણી ૪૦ થી ૪૫ દિવસે અને ત્યારબાદ ૩૦ દિવસના અંતરે કાપણી કરવી.

પશુપાલન

• પશુઓના રહેઠાણમાં માખી મચ્છરથી રક્ષણ માટે ફીનાઈલ છાંટવું.
• પશુઓના શરીર ઉપર કે કોઢ ગમાણમાં ઈતરડીને દૂર કરવા નજીકના પશુ દવાખાનાની સલાહ મુજબ દવાનો છંટકાવ કરવો. પશુઓને ખનિજયુક્ત મિશ્રણ સહિતનો ખોરાક આપવો.
• ઘાસચારાના ટુકડા કરવા માટે ચાફ કટરનો ઉપયોગ કરવો.