TODAY'S WEATHER 

હવામાન સારાંશ

• ભારત મૌસમ વિભાગની આગાહી મુજબ આગામી પાંચ દિવસ દરમ્યાન આણંદ જીલ્લામાં હવામાન સુકું, ગરમ અને આકાશ ચોખ્ખું રહેવાની સંભાવના છે. મહતમ તાપમાન ૩૯ થી ૪૧ ડીગ્રી સે. તથા લઘુતમ તાપમાન ૨૬ થી ૨૭ ડીગ્રી સે. તથા હવામાં ભેજનું પ્રમાણ ૨૦ થી ૭૨ ટકા રહેવાની શક્યતા છે, પવનની સરેરાશ ઝડપ ૨૧ થી ૨૯ કિમી/કલાક તેમજ પવનની દિશા મોટેભાગે દક્ષિણ-પશ્ચિમ તરફ રહેવાની શક્યતા છે.

સામાન્ય  સલાહ

• ઉનાળામાં ખેતરમાંમાં કાપણી કર્યા બાદ ઊંડી ખેડ કરી જમીનને સૂર્યપ્રકાશમાં તપવા દેવી જેથી કરીને જમીનમાં રહેલ રોગ-જીવાતનો નાશ કરી શકાય છે.
• ઉભા પાકોમાં જમીનના પ્રત તથા હવામાનની પરિસ્થિતિને ધ્યાનમાં લઈ પાકની જરૂરિયાત મુજબ પિયત આપવું.
• જમીનમાં ભેજનું પ્રમાણ જાળવવા અને નિંદણ નિયંત્રણ માટે પાકના અવશેષો, ભૂસું, પરાળ અથવા પ્લાસ્ટિક મલ્ચ (આવરણ)નો ઉપયોગ કરવો.
• ઉભા પાકોમાં રોગ-જીવાતના ઉપદ્રવનું નિરીક્ષણ કર્યા બાદ તેનો ઉપદ્રવ જણાય તો પાક સરક્ષણના પગલા લેવા.
• ચોમાસું પાકોની વાવણી પહેલા ખેતરમાંથી જમીનના તત્વો અને પાણીના ભલામણ મુજબની પદ્ધતિથી નમુના લઇ ચકાસણી કરાવવી.
• હવામાન આધારિત કૃષિ સલાહ અંગેની સ્થાનિક ભાષામાં માહિતી મેળવવા માટે મોબાઈલમાં મેઘદૂત એપ્લીકેશન ડાઉનલોડ કરવા માટે નીચેની લીંક પર ક્લિક કરો:

એન્ડ્રોઈડ યુઝર્સ માટે: https://play,google.com/store/apps/details?id=com.aas.meghdoot

આઈ.ઓ.એસ યુઝર્સ:  https://apps.apple.com/in/app/meghdoot/id1474048155

પાક

પાક અવસ્થા

રોગ/જીવાત/જાત

કૃષિ સલાહ

કેળ

ફૂલ અવસ્થા/

લૂમનો વિકાસ

-

• જમીનના પ્રત તથા હવામાનની પરિસ્થિતિને ધ્યાનમાં લઈ પાકની જરૂરિયાત મુજબ પિયત આપવું.
• કેળની ફરતે પવન અવરોધકવાડ કરવી જરૂરી છે તેના માટે ઝડપી વૃદ્ધિ કરતી શેવરી અનુકૂળ છે.
• લૂમની વિકાસ અવસ્થાએ છોડને ટેકો આપવા. લૂમ પર સુકા પાંદડા વીટાળવા.
• પરાળ, સૂકું ઘાસ, સુકા પાંદડા વગેરેનો ઉપયોગ કરીને કેળના પાકમાં આવરણ કરવું જેથી જમીનમાં ભેજનું સંરક્ષણ કરી શકાય.
• કેળના નીચેના ભાગના રોગવાળા પાન સતત કાપી દૂર કરવા. લૂમ પૂરેપૂરી નીકળી ગયા બાદ નીચેનો લાલ રંગનો ડોડો કાપીને દૂર કરવો તથા કેળાની ટોચે રહેલો કાળો ભાગ દૂર કરવો જેથી ફળોના ફૂગજન્ય રોગો આવતા અટકાવી શકાય.

મરચી/ટામેટી

ફૂલ/ફળ

કોકડવા/થ્રીપ્સ

• ચૂસીયા પ્રકારની જીવાતના નિયંત્રણ માટે લીમડાનું તેલ ૩૦ થી ૫૦ મિ.લિ.૧૦ લિટર પાણીમાં ભેળવી છંટકાવ કરવો. આ જીવાતનો વધુ ઉપદ્રવ જણાય તો સ્પીનોસાડ ૩ મિ.લિ. ૧૦ લિટર પાણીમાં ભેળવીને છંટકાવ કરવો.

પાન કથીરી

• પાન કથીરીનો ઉપદ્રવ જણાય તો તેના નિયંત્રણ માટે પ્રોપરગાઈટ ૫૭ ઇસી ૧૫ મી.લિ. ૧૦ લિટર પાણીમાં ઓગાળી છંટકાવ કરવો.

પિયત

• જમીનના પ્રત તથા હવામાનની પરિસ્થિતિને ધ્યાનમાં લઈ પાકની જરૂરિયાત મુજબ પિયત આપવું.

રીંગણ

ફૂલ/ફળ

ડુંખ અને ફળ કોરી ખાનાર ઈયળ

• ડુંખ અને ફળ કોરી ખાનાર ઈયળ ની નિયમિત મોજણી અને નિગાહ માટે ખેતરમાં  ૪-૬ ફેરોમોન ટ્રેપ પ્રતિ એકર ગોઠવવી. આ ઈયળનો ઉપદ્રવ જણાય તો નુકશાનગ્રસ્ત ડુંખ અને ફળને છોડમાંથી તોડીને જમીનમાં દાટી દેવા.

પિયત

• જમીનના પ્રત તથા હવામાનની પરિસ્થિતિને ધ્યાનમાં લઈ પાકની જરૂરિયાત મુજબ પિયત આપવું.

ઉનાળુ ડાંગર

ફૂલ/

દાણા બેસવાની અવસ્થા

પિયત વ્યવસ્થા

• પાકની ક્યારામાં ૫-૭ સે.મી. ઊંડાઈ સુધી પાણી ભરેલું રાખવું.

ચૂસિયાં

• ચૂસિયાં જીવાતનો ઉપદ્રવ જણાય તો પાયમેટ્રોઝીન ૫૦ ડબલ્યુજી ૬ ગ્રામ અથવા ઈમિડાક્લોપ્રીડ ૧૭.૮ એસએલ ૩ મી.લિ. ૧૦ લીટર પાણીમાં ભેળવી  આકાશ ચોખ્ખુ હોય ત્યારે છંટકાવ કરવો.

ગલત અંગારિયો

• રોગના નિયંત્રણ માટે ૫૦% ફૂલ આવવાના સમયે કંટી નીકળે ત્યારે મેન્કોઝેબ ૭૫% વે.પા. ૨૫ ગ્રામ અથવા કાર્બેન્ડાઝિમ ૫૦% વે.પા.૧૦ ગ્રામ અથવા ક્લોરોથેલોનીલ ૭૫% વે.પા. ૧૦ ગ્રામ પ્રતિ ૧૦ લિટર પાણીમાં ભેળવી આકાશ ચોખ્ખુ હોય ત્યારે છંટકાવ કરવો.

ઉનાળુ બાજરી

ફૂલ/

દાણા બેસવાની અવસ્થા

પિયત

• ઉનાળુ બાજરીના પાકમાં ૧૦ થી ૧૫ દિવસનાં અંતરે અથવા કટોકટીની અવસ્થાઓએ પિયત આ૫વા.

કુતુલ/તળછારો

• ઉભા પાકમાં તળછારો રોગ જણાય તો મેટાલેક્ષીલ એમઝેડ ૭૨ વેપા ૧૫ ગ્રામ ૧૦ લિટર પાણીમાં ઓગાળી જરૂરિયાત મુજબ પાનની ઉપર તેમજ નીચેના ભાગે છંટકાવ કરવો.

ઉનાળુ ભીંડા

ફૂલ/ફળ

પિયત

• જમીનના પ્રત તથા હવામાનની પરિસ્થિતિને ધ્યાનમાં લઈ પાકની જરૂરિયાત મુજબ પિયત આપવું.

તડતડિયાં

• ભીંડાના પાકમાં તડતડિયાં જીવાતનો વધુ ઉપદ્રવ જણાય ત્યારે થાયામેથોક્ઝામ ૨૫ ડબલ્યુજી ૪ ગ્રામ ૧૦ લિટર પાણીમાં ઉમેરી છંટકાવ કરવો.

પીળી નસનો રોગ

• ભીંડાના પાકમાં  પીળી નસના રોગનો ફેલાવો રોકવા માટે ફેનપ્રોપેથ્રીન ૩૦ ઇસી ૩.૪ મી.લિ. ૧૦ લિટર પાણીમાં ભેળવી છંટકાવ કરવો.

લીલી અને કાબરી ઈયળ

• લીલી અને કાબરી ઈયળના ફૂંદા આકર્ષવા માટે ૫ થી ૬ ફેરોમોન ટ્રેપ પ્રતિ હેક્ટર ૨૫ મીટરનું અંતર રાખી ગોઠવવી.

ઉનાળુ ચોળી

શીંગો બેસવી

પિયત

• જમીનના પ્રત તથા હવામાનની પરિસ્થિતિને ધ્યાનમાં લઈ પાકની જરૂરિયાત મુજબ પિયત આપવું.

મોલો

• ચોળીના પાકમાં મોલોના નિયંત્રણ માટે ઈમિડાક્લોપ્રીડ ૧૭.૮ એસએલ ૩ મી.લિ. અથવા થાયામેથોક્ઝામ ૨૫ ડબલ્યુજી ૩ ગ્રામ ૧૦ લિટર પાણીમાં ભેળવી છંટકાવ કરવો.

ઉનાળુ મગ

શીંગો બેસવી

પિયત

• જમીનના પ્રત તથા હવામાનની પરિસ્થિતિને ધ્યાનમાં લઈ પાકની જરૂરિયાત મુજબ પિયત આપવું.

મોલો, સફેદમાખી

• મગના પાકમાં મોલોના નિયંત્રણ માટે ઈમિડાક્લોપ્રીડ ૧૭.૮ એસએલ ૩ મી.લિ. અથવા થાયામેથોક્ઝામ ૨૫ ડબલ્યુજી ૩ ગ્રામ અને સફેદમાખીના  નિયંત્રણ માટે એસીફેટ ૭૫ એસસી ૧૫ ગ્રામ  ૧૦ લિટર પાણીમાં ઉમેરી છંટકાવ કરવો.

પચરંગીયો

• પચરંગીયો રોગના નિયંત્રણ માટે લીમડા આધારિત કીટનાશક ૦.૧૫ ઇસી ૪૦ મિ.લિ.  અથવા  ડાયમિથોએટ ૩૦ ઇસી ૧૦ મિ.લિ. અથવા એસીટામિપ્રીડ ૨૦ એસપી ૨ ગ્રામ ૧૦ લિટર પાણીમાં ભેળવી છંટકાવ કરવો.

વેલાવાળા શાકભાજી/ફળ પાકો (ઉનાળુ)

ફૂલ/

ફળનો વિકાસ

પિયત

• જમીનના પ્રત તથા હવામાનની પરિસ્થિતિને ધ્યાનમાં લઈ પાકની જરૂરિયાત મુજબ પિયત આપવું.

ફળમાખી

• ફળમાખીના નિયંત્રણ માટે પાકમાં ક્યુરયુક્ત પ્લાયવુડ બ્લોક ધરાવતા ટ્રેપ હેક્ટર દીઠ ૧૬ લેખે અંતરે મુકવા અથવા મેલાથીયોન ૫૦ ઇસી ૧૦ મી.લિ. ૧૦ લિટર પાણીમાં ઓગાળી છંટકાવ કરવો.

આંબો

ફળ પરિપક્વતા

ફળમાખી

• મિથાઇલ યુજીનોલ પ્લાયવૂડ બ્લોકને ટ્રેપમાં મૂકી ફળમાખીને આકર્ષીને નાશ કરી શકાય છે.

કેરીને ઉતારવી (લણણી)

• ફળ બેઠા બાદ ૧૧૦-૧૪૦ દિવસે ફળ પર ટપકાં (શાંખ) અને ફળનું આછા લીલા રંગમાંથી ઘાટા લીલા રંગમાં ફેરફાર થાય ફળો ઉતારવા.

પશુપાલન

• પશુઓને યોગ્ય આહારમાં ખનિજતત્વ મિશ્રણ (મિનરલ મિક્ષ્ચર) રોજનું ૩૦ થી ૪૦ ગ્રામ પ્રમાણે આપવું.
• ઉનાળામાં પશુનું રહેઠાણ સારું હવા ઉજાશવાળું હોવું જોઈએ. છાપરું લોખંડ કે પતરાનું હોય તો ઉપરની સપાટીને સફેદ રંગથી રંગવી અથવા અડધો ફૂટ જેટલો સુકા પૂળાનો થર કરવો જેથી પશુને ગરમી ઓછી લાગે.
• ઉનાળામાં દુધાળા જાનવરને ખાસ કરીને ભેંસો તથા સંકર ગાયોને દિવસમાં બે થી ત્રણ વખત નવડાવવાથી ગરમીથી બચાવી શકાય અને દૂધ ઉત્પાદન જાળવી રખાય છે.